Սուրեն Քրմոյանն ազատվել է առողջապահության նախարարության աշխատակազմի ղեկավարի պաշտոնից: Այս մասին Հայաստանի կառավարությունը որոշում է կայացրել իր այսօրվա՝ մայիսի 22-ի նիստում:

Որոշման նախագիծը ներկայացրել է առողջապահության նախարար Արմեն Մուրադյանը: Նա նշել է, որ Քրմոյանը կանցնի այլ աշխատանքի:

Իր հերթին, վարչապետ Հովիկ Աբրահամյանը հայտնել է, որ Քրմոյանը կնշանակվի արդարադատության փոխնախարար:

Հիշեցնենք, որ Արդարադատության նորանշանակ նախարար Հովհաննես Մանուկյանն իր նշանակումից հետո հայտարարել էր, որ նախարարությունում կադրային զտումներ չի իրականացնելու: Այս ընթացքում արդարադատության նախարարությունը արդեն լքել է փոխնախարար Արամ Օրբելյանը, որն աշխատանքի է անցել մասնավոր սեկտորում:

Սուրեն Քրմոյան

Տարեթիվ, ամսաթիվ, ծննդավայր

1977 թ., 3 փետրվարի, ք. Երևան

Կրթություն

1994 -1999 թթ. – Երևանի պետական համալսարան, իրավագիտության ֆակուլտետ

1999 – 2002 թթ. – ՀՀ գիտությունների ազգային ակադեմիայի փիլիսոփայության և իրավունքի ինստիտուտի ասպիրանտ, ատենախոսսություն «Սեփականության իրավունքի սահմանադրաիրավական հիմունքները»  թեմայով: Շնորհվել է իրավաբանական գիտությունների թեկնածուի գիտական աստիճան

2001 թ. - կրթական ծրագիր «Գնումների գործընթացի կառավարումը Համաշխարհային բանկի կողմից ֆինանսավորվող ծրագրերում», Թուրին, Իտալիա: Շնորհվել է գնումների կառավարման մասնագետի որակավորման վկայական:

Աշխատանքային գործունեություն

1997 – 1998 թթ. - ՀՀ տրանսպորտի նախարարություն, Համաշխարհային բանկի կողմից աջակցվող վարկային ծրագրի իրականացման գրասենյակ

1998-2008 թթ. - ՀՀ կենտրոնական բանկ, իրավաբանական վարչություն, իրավաբան

1998-2000 թթ. - «Առողջապահական ծրագրերի իրականացման գրասենյակ» ՊՀ, գործերի կառավարիչ և իրավական խորհրդական

2000-2003 թթ. - «Առողջապահական ծրագրերի իրականացման գրասենյակ» ՊՀ, իրավական փորձագետ

2004 թ. - Առողջապահական համակարգի արդիականացման ճապոնական դրամաշնորհային ծրագիր, տեղական փորձագետ, իրավաբան

2004-2011 թթ. - «Առողջապահական ծրագրերի իրականացման գրասենյակ» ՊՀ, իրավաբան

2001-2011 թթ. - ՀՀ առողջապահության նախարարի իրավական խորհրդական

2011-2014թթ.-ՀՀ առողջապահության նախարարության աշխատակազմի ղեկավար

2014 թ. մայիսի 22-ից՝ ՀՀ արդարադատության նախարարի տեղակալ

Այլ տվյալներ

Զինապարտ է, շարքային: Տիրապետում է անգլերենի, ռուսերենի: Շուրջ 35 գիտական հոդվածի հեղինակ, առողջապահական իրավունքի հարցերով մի շարք գրքերի, ուսումնական ձեռնարկների համահեղինակ:

Կուսակցական պատկանելություն

Անկուսակցական

Անձնական տվյալներ

Ամուսնացած է, ունի երկու որդի: