նախընտրելի դարձնել
Նախագահ Վիկտոր Յանուկովիչին բռնությամբ հեռացնելուց հետո Ուկրաինան գրեթե քաղաքացիական պատերազմի եզրին է հասել, ասել է ՌԴ պաշտպանության նախարար Սերգեյ Շոյգուն:
«Գործող նախագահին իշխանությունից բռնի հեռացնելուց հետո եւ արտաքին ուժերի ակտիվ միջամտության պայմաններում երկիրը փաստորեն քաղաքացիական պատերազմի վիճակի է հասել», — ասել է նա՝ Մոսկվայում անվտանգության խորհրդաժողովի ընթացքում, փոխանցում է «ՌԻԱ Նովոստին»:
Այսպիսով, ըստ Շոյգուի, Եվրոպայում արհեստական լարվածության օջախ է ստեղծվել, որի ի հայտ գալը «բացասական է ազդել համընդհանուր անվտանգության վրա»:
Ավելի վաղ Շոյգուն հայտարարել էր, որ Ուկրաինայում «կիրառվել է «արաբական գարնան» ձեւով մշակված սցենար»:
