Կարեն Դեմիրճյանի  անվան մարզահամերգային համալիրում, հունիսի 1-ին, տեղի է ունեցել բարեգործական բացօթյա համերգ՝  նվիրված երեխաների պաշտպանության օրվան:

Համերգային  ծրագրի գույները   հայ երգարվեստի  մանկական  վառ ու լուսավոր դեմքերն էին, ինչպես նաեւ  հաղորդավարներ, հեռուսադեմքեր Արեգն ու Բեթթին:

1-ամյա  «ՎԵՀ»՝ Վերածննդի երիտասարդներ հիմնադրամը,  արդեն երկրորդ անգամ, իրական տոն է  դարձնում հունիսի 1-ը ինչպես երեխաների, այնպես էլ  նրանց  ծնողների համար:

«Երեխաները միշտ մեր ուշադրության կենտրոնում են, անկախ նրանից տոն է, թե ոչ: Ուստի՝ պատահական չէ, որ հենց մանուկներն էին այսօրվա մեր համերգային ծրագրի հերոսներն ու ինչու չէ, նաեւ  բարեգործները: Երբ հավաքվածների դեմքին թեկուզ մեկ վայրկյան  ժպիտ եմ տեսնում, համոզվում  եմ, որ, իսկապես,   ճիշտ ենք գործում, ինչն էլ ավելի է ոգեւորում  եւ պարտավորեցնում,  որպեսզի ՎԵՀ-ը նորանոր ծրագրեր իրականացնի»,-ասել է բարեգործական հիմնադրամի հիմնադիրներից մեկը՝ Կարինե Գեւորգյանը:

«Շնորհակալ եմ բոլոր մասնակիցներին, ովքեր չնայած իրենց զբաղվածությանը, ժամանակ հատկացրին մեր ծրագրին  ու  ուրախ տրամադրությունն ապահովեցին: Հատուկ շնորհակալություն եմ հայտնում  Մարզահամերգային համալիրի տնօրինությանը, ում  աջակցությամբ իրականացավ համերգային ծրագիրը» ,-ավելացրել է   հիմնադրամի մյուս հիմնադիրը՝  Մայ Անուշավանյանը:

ՎԵՀ-ը  խոտանում  է մոտ ապագայում  նոր ծրագրեր իրականացնել: