նախընտրելի դարձնել
Գերմանիայի կանցլեր Անգելա Մերկելը լուրջ է որակել Գերմանիայի քաղաքացիներից մեկի՝ ԱՄՆ-ի օգտին լրտեսության մեջ մեղադրվելը:
Ըստ նրա` եթե տեղեկությունը հաստատվի, այն կարող է խաթարել երկրների միջեւ վստահությունը, փոխանցում է BBC-ի ռուսական ծառայությունը:
Նշենք, որ սա Մերկելի առաջին մեկնաբանությունն է անցյալ շաբաթ գերմանական գաղտնի ծառայությունների աշխատակցի ձերբակալությունից հետո:
Ըստ քննության` նրա եւ ԱՄՆ հատուկ ծառայությունների միջեւ համագործակցությունը շարունակվել է երկու տարի, որի ընթացքում նա ամերիկյան կողմին հանձնել է 200-ից ավելի փաստաթուղթ:
Գերմանիայի ներքին գործերի նախարար Թոմաս դը Մեզիերը Վաշինգթոնից բացատրություն է պահանջել: Հիշեցնենք, որ երկու երկրների միջեւ հարաբերությունները զգալի վատացել էին, երբ պարզվել էր, որ ԱՄՆ ԱԱԳ-ն գաղտնալսում է Անգելա Մերկելի հեռախոսը:
