նախընտրելի դարձնել
Յակուձայի զինված գրոհայինը հուլիսի 9-ին դիրքավորվել է Ճապոնիայի Միմասակա քաղաքի հիվանդանոցում՝ երկրի գլխավոր Հոնսյու կղզում : Նա ինքնասպանության փորձ է արել եւ, ըստ ոստիկանության, անգիտակից վիճակում է:
52-ամյա Յոսիոկան բուժվում էր Միմասակայի հիվանդանոցում՝ ոտքի վնասվածք ստանալուց հետո: Հուլիսի 9-ին այնտեղ գնացել էին ոստիկանության աշխատակիցները, ովքեր վերջինիս կալանավորելու հրաման ունեին: Յոսիոկան ձեւացրել է, թե պատրաստ է ենթարկվել, սակայն անսպասելի խլել է ատրճանակը եւ փակվել հիվանդասենյակներից մեկում: Հիվանդանոցի մնացած 60 հիվանդներն ու աշխատակիցները տարհանվել են:
Ոստիկանները փորձել են տղամարդուն համոզել հանձնվել, սակայն նա հրաժարվել է բանակցել եւ կրակել է իր գլխին, փոխանցում է ԻՏԱՌ-ՏԱՍՍ-ը:
Յոսիոկայի խմբավորումը «Յամագուտի գումի» հանցախմբի կազմից է, որը խոշորագույն է Ճապոնիայում: Այս գանգստերը կասկածվում է ժամանցային հաստատություններից գումար շորթելու մեջ:
