նախընտրելի դարձնել
Թուրքիայի խորհրդարանի պատգամավորները ընտրված 12-րդ նախագահի երդմնակալությանը մասնակցելու հրավեր են ստացել: Արարողությունը կկայանա օգոստոսի
28-ին, ժամը 14.00-ին, ասված է Թուրքիայի խորհրդարանի նախագահ Ջեմիլ Չիչեքի հաղորդագրությունում:
Օգոստոսի 10-ին տեղի են ունեցել Թուրքիայի պատմության մեջ նախագահի առաջին ուղիղ ընտրություններ, որոնցում հաղթել է երկրի գործող վարչապետ Թայիփ Էրդողանը՝ հավաքելով 52% ձայն:
Թուրքիայի խորհրդարանի նախագահ Ջեմիլ Չիչեքը պատգամավորներին նամակ է ուղարկել, որում հայտարարել է արտահերթ նիստ գումարելու մասին՝ նոր նախագահի պաշտոնավարմանն անցնելու հանդիսավոր արարողության կապակցոությամբ:
Կանոնադրության համաձայն՝ Էրդողանը սեւ կոստյում է հագնելու: Երկրի նոր նախագահի երդմանը հրավիրվածները հետեւելու են կանգնած: Դրանից հետո կհնչի Թուրքիայի պետական հիմնը: Արարողության ավարտից հետո Թայիփ Էրդողանը կմեկնի Աթաթուրքի դամբարան, իսկ հետո նախագահի նստավայր՝ Անկարայի Չանքայ թաղամասում, որտեղ լիազորությունները ձեւական հանձնելու համար նրան է սպասելու Թուրքիայի 11-րդ նախագահ Աբդուլա Գյուլը, փոխանցում է «ՌԻԱ Նովոստին»՝ վկայակոչելով Anadolu գործակալությունը:
