Ոստիկանության ԿՀԴՊ ԳՎ ԹԱՇԴՊՎ, Արարատի մարզային վարչության եւ Մասիսի բաժնի ծառայողները Նոր Խարբերդ գյուղի կենտրոնական ճանապարհից, գողություն կատարելու կասկածանքով, բերման են ենթարկել 39-ամյա Էդվարդ Ե.-ին:

Ոստիկանության մամուլի ծառայությունից հայտնում են, որ պարզվել է, որ նա օգոստոսի 21-ին, ժամը 14.00-ի սահմաններում, պատուհանը հրել բացելով` ապօրինի մուտք է գործել Նոր Խարբերդ գյուղի տներից մեկը եւ գողացել «LG» տեսակի հեռուստացույց եւ տնտեսական տարբեր ապրանքներ:

Գողոնը մասամբ առգրավված է:

Էդվարդ Ե.-ն ձերբակալված է:

Կատարվում է նախաքննություն: