նախընտրելի դարձնել
Ռուսաստանն առաջարկում է Ուկրաինայի համար գազի սակագինը սահմանել 1000 խմ-ի դիմաց 385 դոլար՝ չսպասելով դատարանի որոշմանը: Այս մասին հայտարարել է ՌԴ էներգետիկայի նախարար Ալեքսանդր Նովակը Եվրահանձնաժողովի փոխնախագահ Գյունտեր Էթինգերի հետ բանակցությունների արդյունքում, հայտնում է «Ինտերֆաքսը»:
Ռուսաստանը նախկինում էլ էր առաջարկում այս հնարավորությունը:
Էթինգերի կարծիքով «Գազպրոմն» ու Կիեւը պետք է գազի միջանկյալ գին սահմանեն, քանի դեռ ընթանում է դատաքննությունը:
Եվրոպացի պաշտոնյան նաեւ կոչ է արել գազային հատվածը քաղաքական ճգնաժամի թեժացման գործիք չդարձնել:
«Ռուս գործընկերները պետք է հաստատեն, որ գազամատակարարման հուսալիությունը կապահովվի: Ուկրաինան պետք է տարանցում ապահովի»,- մեջբերում է գործակալությունը Էթինգերի խոսքը:
