Ֆրանսիական Կալե քաղաքի իշխանությունները կարող են փակել նավահանգիստը, եթե Մեծ Բրիտանիան չփոխի իր վերաբերմունքը ներգաղթյալների հոսքի հանդեպ, որոնք ձգտում են Միացյալ Թագավորություն մեկնել Ֆրանսիայից:

Կալեի քաղաքապետ Նատաշա Բուշարը կարծում է, որ ապօրինի ներգաղթյալների հոսքը բարդացնում է երկրի բնակիչների կյանքը:

Ներկայումս Կալեում շուրջ  1,2 հազար միգրանտ կա, հայտնում է  «ՌԻԱ Նովոստին»:

Մեծ մասը Ֆրանսիա են փախել Էրիթրեայից, Սուդանից եւ Սոմալիից: Շատ գաղթականներ  Ֆրանսիան օգտագործում են Մեծ Բրիտանիա ընկնելու համար:

Կալեում վերջերս հաճախադեպ են դարձել միգրանտների մասնակցությամբ քրեական պատմությունները: