նախընտրելի դարձնել
Ուկրաինայի խորհրդարանի «Բատկիվշչինա» եւ «Սվոբոդա» կուսակցությունների խմբակցությունները Ռադայի քննարկմանն են ներկայացրել Դոնեցկի եւ Լուգանսկի մարզերում ռազմական դրություն հայտարարելու մասին օրինագիծ, հայտնում է Գերագույն ռադայի կայքը:
«Ուկրաինայի դեմ զինված ագրեսիան դադարեցնելու եւ նշված տարածքում բնակվող խաղաղ բնակչությանը պաշտպանելու նպատակով Ուկրաինայի Գերագույն ռադան որոշել է դիմել Ուկրաինայի նախագահին` Լուգանսկի եւ Դոնեցկի մարզերում ռազմական դրություն հայտարարելու վերաբերյալ», — ասվում է փաստաթղթում:
Սեպտեմբերի 4-ին Ուկրաինայի Գերագույն ռադան փակ նիստ է անցկացնում երկրում իրավիճակի քննարկման համար, մասնավորապես` ուժային գործողություն անցկացնելու գոտում, խոսվելու է նաեւ տնտեսության եւ էներգետիկ համալիրի մասին: «ՈՒԴԱՌ» խմբակցության պատգամավոր Պավել Ռեզանենկոն ԻՏԱՌ-ՏԱՍՍ-ին հայտնել է, որ օրակարգի գլխավոր հարցը «Ռուսաստանի հետ պատերազմական իրավիճակն է»:
