նախընտրելի դարձնել
Ուկրաինայի նախագահ Պյոտր Պորոշենկոն ՆԱՏՕ-ի գլխավոր քարտուղար Անդերս Ֆոգ Ռասմուսենի հետ համատեղ ճեպազրույցում հայտարարել է, որ «դաշինքի գրեթե բոլոր երկրները» պատրաստակամություն են հայտնել օգնել իր երկրին:
Ըստ Պորոշենկոյի` խոսքը մահաբեր եւ ոչ մահաբեր զենքերի շուրջ ռազմատեխնիկական համագործակցության մասին է, ներառյալ` բարձր ճշգրտությամբ զենքերը, փոխանցում է rbc-ն:
Պորոշենկոն նաեւ հայտարարել է, որ ՆԱՏՕ-ն Ուկրաինային կօգնի ապահովել կիբերանվտանգությունը, ինչպես նաեւ հիմնադրամներ ստեղծել, որոնք կապահովեն երկրի զինված ուժերի վերակազմավորումը:
ՆԱՏՕ-ի գլխավոր քարտուղար Ռասմուսենն իր հերթին հայտարարել է, որ «ոչ ոք պատերազմ չի ցանկանում», իսկ Արեւելյան Ուկրաինայում իրավիճակը պետք է կարգավորվի դիվանագիտական միջոցներով եւ Ռուսաստանի դեմ պատժամիջոցները խստացնելու ճանապարհով:
