ԱՄՆ-ն չի հետեւումԲուդապեշտի հուշագրին, քանի որ  դրա պայմաններ կատարման  դեպքում պետք է վաղուց գործնական քայլերի դիմեր, Կիեւում ասել է  Հանրապետական սենատոր Ջոն Մաքքեյնը, հայտնում է ՈՒՆՆ-ն` վկայակոչելով «Ազատություն ռադիոն»:

Ըստ նրա` այժմ դժվար կլինի պայմանավորվել  «միջուկային» պետությունների հետ,  որպեսզի հրաժարվեն իրենց միջուկային զենքից:

Նա նաեւ նշել է. «Ակնհայտ է, որ Բուդապեշտի հուշագրի պայմանավորվածությունները, որոնք պետք է երաշխավորեն Ուկրաինայի տարածքային ամբողջականությունը, ներառյալ` Ղրիմը, լիովին խախտվել են»:

Մաքքեյնը վստահ է, որ Պուտինը կշարունակի Ուկրաինայի նկատմամբ ագրեսիան:

«Ակնհայտ է, որ Ռուսաստանը, եթե նրան չկանգնեցնեն, կհասնի Ղրիմի սահմանին: Հաջորդ կանգառը Մոլդովան է», - ասել է սենատորը: