նախընտրելի դարձնել
Թալիբները մի շարք հարձակումներ են գործել Թուրքմենստանի սահմանային անցակետերի վրա: Ըստ լրատվամիջոցների՝ դա տեղի է ունեցել Աֆղանստանի հյուսիս-արեւմուտքում՝ Թուրքմենստանի սահմանին մոտ գտնվող Ֆարյաբ նահանգի Շահ գյուղում:
«Ազատություն» ռադիոկայանի թուրքմենական ծառայությունը հայտնում է, որ թալիբներն անընդհատ գնդակոծում են երկրի սահմանային անցակետերը, երբեմն հարձակումներ են գործում` սպանելով սահմանապահներին եւ զավթելով նրանց զենքը:
«Շահն անցել է թալիբների վերահսկողության տակ, նրանք սկսել են այրել տները, մոտոցիկլետները: Տեղի բնակիչների շարքում կան սպանվածներ: Այժմ ամբողջ հույսը կառավարական ուժերի օգնությունն է: Այդ դեպքում հնարավարություն կլինի գրոհայիններին դուրս մղել Շահ ավանից: Բնակիչների կեսը հասցրել է Շահը լքել մինչեւ գրոհայինների գալը», — նշում է բուբա կոչվող էթնիկ թուրքմենների ոստիկանության ղեկավարը:
Ոստիկանը հայտարարել է, որ իր ենթակայության տակ կա շուրջ 100 մարդ: Հրաձգության ընթացքում թալիբները շատ յուրայիններ են կորցրել: Այնուամենայնիվ, ուժերն անհավասար են եղել, պաշտպանվողներին օգնություն չի հասել եւ ստիպված են եղել Շահը թողնել թալիբներին:
