ՆԱՏՕ-ի մի շարք առաջնորդներ անցած շաբաթ Ուելսում կայացած գագաթնաժողովի ժամանակ անհանգստություն  են հայտնել Շոտլանդիայի անկախության հեռանկարի կապակցությամբ, հայտարարել է բրիտանական կառավարության ղեկավար Դեւիդ Քեմերոնը:

«Իհարկե, մի քանիսը մտահոգություն են հայտնել հանրաքվեի առիթով: Մեր երկրին լավագույնս ցանկացող մարդկանց մեծամասնության կարծիքով, սա, իհարկե, Շոտլանդիայի ժողովրդի որոշումն է, սակայն նրանք հույս ունեն, որ մենք միասին կլինենք», - հայտարարել է Քեմերոնը, հաղորդում է «ԻՏԱՌ-ՏԱՍՍ»-ը:

Քեմերոնը նաեւ ընդունել է Բրիտանիայի նախկին վարչապետ Գորդոն Բրուանի՝ շոտլանադական իշխանությունների իրավասություններ տրամադրելու առաջարկությունը:

Ավելի վաղ հաղորդվել էր, որ Գորդոն Բրաունը մշակել է Շոտլանդիային ավելի շատ ինքնավարություն տրամադրելու ծրագիր, եթե, իհարկե, ընտրողները հանրաքվեին կողմ չքվեարկեն անկախությանը ։

Ինչպես սպասվում է, ծրագիրը կսատարեն Լոնդոնի բոլոր հիմնական քաղաքական կուսակցությունները:

Ըստ ներկայացված ծրագրի՝ Շոտլանդիան լրացուցիչ ինքնավարություն կստանա հարկագանձման եւ պետական ծախսերի հարցերում:

Մեծ Բրիտանիայի կազմում մնալու դեպքում ինքնավարության շուրջ բանակցությունները կմեկնարկվեն քվեարկությունից անմիջապես հետո, իսկ օրինագծի նախագիծը պատրաստ կլինի արդեն հունվարին։