նախընտրելի դարձնել
Դուբայի իշխանությունները մտադիր են սոցցանցերում հատուկ էջեր բացել, որպեսզի բոլոր ցանկացողները կարողանան տպավորությունների մասին պատմել, սիրելի վայրերի, ռեստորանների եւ ժամանցային կենտրոնների լուսանկարները տեղադրել, պատմել օգտակար եւ հետաքրքիր ծառայությունների մասին: Քաղաքի բնակիչները կարող են նաեւ քաղաքում կյանքի բարելավմանն ուղղված առաջարկներ եւ իրենց գանգատները գրել, գրում է «Ալ-Բայան» թերթը:
ԱՄԷ-ի գործարար մայրաքաղաք Դուբայի կառավարիչ, շեյխ Մուհամեդ բեն Ռաշեդ ալ Մաքթումը որոշել է հանդես գալ նախաձեռնությամբ, որը կոչվում է «Երջանկությունը Դուբայում»: Սրանով քաղաքային իշխանությունները ցանկանում են պարզել՝ երջանիկ են արդյոք քաղաքացիները, հարմարավետ է արդյոք Դուբայում ապրելը, ինչն են հատկապես հավանում եւ որտեղ են սիրում ժամանակն անցկացնել, փոխանցում է «ՌԻԱ Նովոստին»:
Այս ակցիան կօգնի նաեւ շտկել թերությունները, բարելավել ծառայությունները եւ քաղաքացիների համար «Դուբային վայել երջանկություն» ապահովել:
