նախընտրելի դարձնելՄիանգամից մի քանի եվրոպական բանկ տապալել է ԵՄ սթրես-թեստերը: Ինչպես հաղորդում է «ՌԻԱ Նովոստին», Ֆրանսիայի, Մեծ Բրիտանիայի բոլոր բանկերն ու Գերմանիայի գրեթե բոլոր վարկային ինստիտուտները սթրես-թեստեր են հանձնել:
Վկայակոչելով Եվրոպական բանկային կազմակերպության(ЕВА) փաստաթուղթը՝ աղբյուրը հաղորդում է, որ սթրես-թեստեր են անցկացվել ԵՄ երկրներում եւ գնահատվել է 123 բանկերի գործունեությունը 2013թ.-ի ավարտի տվյալներով: Թեստավորման են ենթարկվել խոշոր բանկերը, որոնց շուկայական մասնաբաժինը կազմել է նվազագույնը 50 տոկոսը:
Ինչպես նշում է աղբյուրը, Հունաստանի 4 բանկերից 3-ը եւ Կիպրոսի 3 բանկերից 3-ը տապալել են քննությունը: Այդ երկրներն առայժմ մնում են արտաքին միջազգային ֆինանսական օգնության ծրարգրերի ներքո: Իտալիայի թեստավորման ենթարկված 15 բանկերից քննությունը տապալել են 9-ը:
Ընդհանուր առմամբ թեստը պարզել է, որ Եվրամիության 24 բանկեր կարող են հայտնվել կապիտալի պակասի իրավիճակում՝ ընդհանուր առմամբ մինչեւ 25 միլիարդ եվրո գումարի չափով, եթե ԵՄ-ն հայտնվի սթրեսային տնտեսական իրավիճակում:
