նախընտրելի դարձնել
Մյանմարի մայրաքաղաք Նեյպիդոյում ընթանում է Արեւելաասիական 9-րդ գագաթաժողովը, հայտնում է ՏԱՍՍ-ը։ Մասնակցում են Հարավարեւելյան Ասիայի պետությունների ասոցիացիայի բոլոր տասը երկրների՝ Բրունեյի, Վիետնամի, Կամբոջայի, Լաոսի, Մալայզիայի, Մյանմարի, Սինգապուրի, Թայլանդի, Ֆիլիպինների առաջնորդները, նաեւ՝ ԱՄՆ նախագահն ու Կորեայի Հանրապետության նախագահները, ՉԺՀ քաղխորհրդի ղեկավարը, ՌԴ, Ավստրալիայի, Հնդկաստանի, Նոր Զոլանդիայի եւ Ճապոնիայի վարչապետը, որոնք Հարավարեւելյան Ասիայի պետությունների ասոցիացիայի երկխոսության գործընկերներն են։
Արեւելաասիական գագաթաժողովում խոսք կտրամադրվի բոլոր մասնակիցներին: «Նեյպիդոյի հանդիպմանը քննարկվելու են համաշխարհային եւ տարածաշրջանային քաղաքականության հիմնական խնդիրները, ինչպես նաեւ համագործակցությունը առաջնահերթ ոլորտներում՝ ֆինանսներ, էներգետիկա, արտակարգ արձագանքում, առողջապահություն, կրթություն եւ տարածաշրջանային փոխկապակցվածություն», - մեջբերում է աղբյուրը ՌԴ կառավարության աշխատակցին:
Ըստ գագաթաժողովի՝ մասնակիցները հռչակագիր կընդունեն վայրի կենդանիների ապօրինի առեւտրի դեմ պայքարի վերաբերյալ, ինչպես նաեւ արտակարգ իրավիճակների դեպքում օպերատիվ փոխգործակցության սկզբունքների մասին, տարածաշրջանային արձագանքման մասին՝ հիվանդության բռնկման դեպքում, կապված Էբոլա համաճարակի հետ, տարածաշրջանային ծովային համագործակցության ամրապնդման մասին, բռնության աճի եւ Իրաքում ու Սիրիայում ահաբեկիչների կողմից իրականացվող դաժան գործողությունների մասին:
