ՀՀ  տրանսպորտի եւ կապի նախարարությունը տեղեկացնում է, որ դեկտեմբերի 2-ին՝ ժամը 17:30-ի դրությամբ, Մարտունի-Վարդենիս, Սիսիան- Գորիս ճանապարհահատվածներում  եւ Վարդենյաց լեռնանցքում (Մարտունու կողմից ) տեղ- տեղ մերկասառույց է:

Հանրապետության ողջ տարածքում առանց տեղումների եղանակ է,  միայն լեռնանցքներում ուժեղ քամի է:

Անվտանգ երթեւեկությունն ապահովելու նպատակով ավտոճանապարհներին կատարվում են աղով, ավազով մշակման ու մաքրման աշխատանքներ:

Միջպետական եւ հանրապետական նշանակության ավտոճանապարհները բաց են: