նախընտրելի դարձնելՄեր խորհրդարանական ուժերը չեն դադարում իրենց քաղաքական գործունեությունն իրականացնել եռյակի ձեւաչափում: Այս մասին դեկտեմբերի 5-ին ավանդական՝ այս տարվա արդեն վերջին ճեպազրույցում հայտարարել է «Բարգավաճ Հայաստան» խմբակցության պատգամավոր Միքայել Մելքումյանը:
Տվյալ փուլում, ըստ նրա, Րաֆֆի Հովհաննիսյանի նախաձեռնած միջոցառումը չի վնասում եւ չի հակասում եռյակի գործունեությանը: «Եթե մեր կուսակցությունում նրա միջոցառմանը մասնակցել ցանկացողներ լինեն, նրանք կարող են դա անել», - նշել է Մելքումյանը: Անդրադառնալով հարցին՝ արդյոք ինքը կմասնակցի «Ժառանգության» նախաձեռնած քաղաքացիական ժողովին, պատգամավորն ասել է, որ այդ ընթացքում ինքը պետք է ներկա լինի իր կուսակցության խորհրդարանական խմբակցության նիստին:
ԲՀԿ-ական մեկ այլ պատգամավոր Ստեփան Մարգարյանը նշել է. «Մենք ոչ մի խնդիր չենք տեսնում, քանի որ այս աշխատաոճը կար այն ժամանակ, երբ նոր-նոր էինք սկսում խորհրդարանական համագործակցությունը: Մենք անում ենք այն ամենը, ինչը համաձայնեցվում է փոխզիջմամբ: Եթե ինչ-որ մեկը ցանկանում է ինչ-որ բան անել, մնացածները դա եռյակին հակասող գործունեություն չեն դիտում, եւ սա եռյակի գոյության սեգմենտներից մեկն է:
Հիշեցնենք, «Ժառանգության» առաջնորդ Րաֆֆի Հովհաննիսյանը դեկտեմբերի 5-ին ցանկացողներին հրավիրել է Ազատության հրապարակ՝ մասնակցելու քաղաքացիական ժողովի:
