նախընտրելի դարձնելԿուզյա մականվամբ ամուրյան վագրը, որին երկու այլ գիշատիչների հետ Մերձամուրի տայգա էին բաց թողել ՌԴ նախագահ Վլադիմիր Պուտինի մասնակցությամբ, լինելով Չինաստանում, վերադարձել է հայրենիք, հայտնել է «Տիգր» հատուկ տեսչության ներկայացուցիչ Վիկտոր Սերդյուկը:
Ըստ մասնագետների՝ վագրը հոկտեմբերի սկզբներին լողալով անցել է Ամուրը եւ հայտնվել Չինաստանի տարածքում:
Պուտինի վագրը հեռացել է Չինաստան
Հաղորդվել էր նաեւ, որ ռուսաստանյան վագրերը հարձակվել են չինական այծերի վրա:
Պուտինի ազատ արձակած վագրերը հարձակվում են չինական այծերի վրա
«Կուզյա վագրը ռուս-չինական սահմանը հատել է դեկտեմբերի 5-ի լույս 6-ի գիշերը, եւ դեկտեմբերի 9-ին գտնվել է Ամուրի ափին: Այնուհետեւ շարժվել է դեպի հյուսիս: Ներկայումս վագրը Հրեական ինքնավար մարզի Դիչուկ արգելոցում է, որը սահմանից 30 կմ հեռավորության վրա է», - ասել է Սերդյուկը, փոխանցում է «Ինտերֆաքսը»:
Ըստ նրա՝ առաջիկայում որսորդական վարչության աշխատակիցները կուղեւորվեն գիշատչի գտնվելու վայր՝ հետքերն ուսումնասիրելու եւ նրա վիճակը գնահատելու համար:
Վագրեր կուզյային, Բորյային եւ Իլոնին մայիսի 22-ին Ամուրի երկրամասում ազատ էր արձակել Վլադիմիր Պուտինը: Մարդկանց մոտ նրանք հայտնվել էին կես տարի առաջ, երբ Ուսուրիյսկի տայգայում տեղի բնակիչները հայտնաբերել էին սովամահ եղող վագրիկներին:
