նախընտրելի դարձնելԴեկտեմբերի 12-ին, ժամը 20.30-ին, ոստիկանության Աշտարակի բաժնի ծառայողները, շրջագայություն կատարելիս, մոտեցել են Երեւանյան փողոցի թիվ 1 հասցեում կայանված «ՎԱԶ-21150» մակնիշի ավտոմեքենային:
Ոստիկանության մամուլի ծառայությունից հայտնում են, որ վարորդը` 24-ամյա Արման Թ.-ն, այդ ընթացքում ավտոմեքենայից դուրս է նետել 1 սրվակ եւ թղթե 1 փաթեթ, որոնց մեջ եղել են կանեփանման չորացրած, մանրացրած զանգվածներ` ծխախոտի խառնուրդով: Արման Թ.-ն եւ ուղեւոր՝ 22-ամյա Զենիկ Հ.-ն բերման են ենթարկվել բաժին, որտեղ Արման Թ.-ն տվել է խոստովանական բացատրություն:
Արման Թ.-ն եւ Զենիկ Հ.-ն ենթարկվել են դատաքիմիական փորձաքննության:
Հայտնաբերվածն ուղարկվել է ՀՀ ոստիկանության ՓՔՎ:
Կատարվում է հետաքննություն:
