նախընտրելի դարձնելԸստ ոստիկանության օպերատիվ հաղորդագրությունների ամփոփագրերի` դեկտեմբերի 12-ից 15-ն ընկած ժամանակահատվածում հանրապետությունում արձանագրված մարմնական վնասվածք հասցնելու 28 դեպքից բացահայտվել է 27-ը, կողոպուտի 2 դեպքից՝ 1-ը, խարդախության 9 դեպքից՝ 8-ը:
Ոստիկանության մամուլի ծառայությունից հայտնում են, որ բացահայտվել է գողության՝ 15, յուրացման՝ 3, մաքսանենգության եւ խուլիգանության 1-ական դեպք:
Նախկինում կատարված հանցագործություններից բացահայտվել է սպանության, մահվան ելքով մարմնական վնասվածք հասցնելու եւ յուրացման՝ 1-ական, մարմնական վնասվածք հասցնելու՝ 5, գողության 2 եւ խարդախության 3 դեպք:
Անցած 3 օրվա ընթացքում հանրապետությունում արձանագրվել է 25 ավտոպատահար, ինչի հետեւանքով 40 մարդ ստացել է տարբեր աստիճանի մարմնական վնասվածքներ:
