նախընտրելի դարձնելԱրքայադուստր Քրիստինան՝ Իսպանիայի Ֆելիպե VI թագավորի քույրը, 587 հազար 413 եվրոյի տուգանք է վճարել կոռուպցիայի գործով՝ ֆինանսական մուտքերը ծածկելու համար, որը կատարել է նրա ամուսին Ինյակի Ուրդանգարինը:
Ամուսնական զույգի նկատմամբ հետաքննությունը սկսվել էր երեք տարի առաջ: Քննիչների ուշադրության կենտրոնում է հայտնվել Ինյակի Ուրդանգարինի Noos Institute բարեգործական կազմակերպությունը:
Ենթադրվում է, որ Ուրդանգարինն օգտագործել է ազդեցիկ մարդկանց հետ իր կապերը՝ խոշոր միջոցառումների համար շահավետ պայմանագրեր կնքելու նպատակով: Ընդ որում՝ նա ուռճացրել է նախագծերի արժեքը՝ ստացված շահույթը օֆշորային բանկային հաշիվներին փոխանցելով:
Դատարանում հարցաքննության ընթացքում արքայադուստր Քրիստինան հայտարարել է, որ պատկերացում չի ունեցել ամուսնու գործերի մասին:
