նախընտրելի դարձնելՀայաստանի խորհրդարանը ցանկանում է ընդունել ոչ թե ծանրակշիռ փաստաթուղթ, այլ «Ո՛չ բռնությանը» թեմայով երրորդ դասարանի շարադրություն: Այս մասին դեկտեմբերի 16-ին խորհրդարանի արտահերթ նստաշրջանի ընթացքում հայտարարեց ԲՀԿ խմբակցության քարտուղար Նաիրա Զոհրաբյանը:
Նրա խոսքով, իշխանությունը ցանկանում է անհասցե հայտարարություն ընդունել, որն այս իրավիճակում կպահպանի երկրի վարկանիշը եւ, միաժամանակ, չի դիպչի իշխանության մեջ գտնվող որեւէ անձի:
Պատգամավորը հավելեց, որ այդպիսի նպատակ է հետապնդում նաեւ Ոստիկանապետի հայտարարությունը: Վլադիմիր Գասպարյանը սահմանափակվեց իր տեղակալ Լեւոն Երանոսյանին ուղղված դաստիարակչական հայտարարություններով՝ սպառնալով «կտրել իշխանության ընդդիմախոսների ականջները»:
«Իսկ դա նշանակում է, որ կատարվածի ամբողջ պատասխանատվությունը կրում է քաղաքական մեծամասնությունը: Նրանք պետք է գոնե բավականաչափ համարձակություն ունենային՝ Երանոսյանին պաշտոնանկ անելու համար, եւ սա՝ որպես առաջին քայլ: Այդ չանելով՝ իշխանությունը դե-ֆակտո ասում է. «Այո՛, մենք այդպես արեցինք եւ անելու ենք»,- հայտարարեց Զոհրաբյանը:
