նախընտրելի դարձնելՀՀ տրանսպորտի նախարարությունը կքննարկի, թե որտեղ է ավելի ճիշտ տաքսու կայանատեղերի ստեղծումը: Այս մասին դեկտեմբերի 26-ին տաքսիստների հետ հանդիպման ժամանակ ասել է տրանսպորտի եւ կապի նախարար Գագիկ Բեգլարյանը:
Նա նշել է, որ եթե 2008թ. Երեւանում օրինական կայանատեղիներ գրեթե չկային, ապա հիմա դրանց թիվը հասնում է շուրջ 70-ի:
Ի պատասխան տաքսիստներից մեկը՝ Արտաշես Միսաքյանը, հայտարարել է, որ կայանատեղիները շատ անհարմար տեղում են, «կենտրոնից կտրված»: «Նորքի 9-րդ զանգվածում, դրանք ո՞ւմ են պետք: Կամ գերեզմանատների հարեւանությամբ: Ի՞նչ երթեւեկություն կարող է լինել այնտեղ, այն էլ՝ կլոր տարին»,- ասել է նա:
Նախարարը հարցը միանգամայն լուծելի է համարում. պարզապես պետք է Երեւանի քաղաքապետարանի եւ Ոստիկանության հետ քննարկել՝ որտեղ է ավելի հարմար կայանատեղիների կազմակերպումը, որպեսզի դրանք չխոչընդոտեն քաղաքային երթեւեկությանը:
