նախընտրելի դարձնել«Cult.am կայքի նախագիծը մի շարք առավելություններ ունի, մասնավորապես այլեւս պարտադիր չէ մոտենաք Մոսկվա կինոթատրոնի դրամարկղ, որպեսզի ձեռք բերեք կինոթատրոնի տոմսեր, այլ ձեր տանից, աշխատանքի վայրից դահլիճում պատվիրել տեղ՝ խնայելով ձեր ժամանակը»,- այսօր՝ դեկտեմբերի 26-ին ասաց «Մոսկվա» կինոթատրոնի մենեջեր Անահիտ Խաչատրյանը:
Կայքում տոմսերը վաճառվում են այն գներով, ինչ ներկայացված է «Մոսկվա» կինոթատրոնի տոմսարկղում՝ առանց հավելավճարի կամ միջնորդավճարի:
«cult.am-ը աֆիշային բնույթի պորտալ է եւ նրանում զետեղված են Երեւանում տեղի ունեցող գրեթե բոլոր մշակութային միջոցառումները: Այժմ տոմսերի համար վճարումները ընդունվում եմ Visa, Master քարտերով, իսկ ապագայում նաեւ օնլայն վճարումների Idram եւ Arca համակարգերը կգործարկվեն»,- ասաց «Դինամիկա թեսթինգ սենթր»-ի տնօրեն Վլադիմիր Խոյեցյանը:
Վլադիմիր Խոյեցյանը նշեց նաեւ, որ այն տեղերը, որոնք արդեն վաճառվել են, հասանելի չեն լինի կայքում եւ պատվիրատուն չի կարող այն գնել:
«Կայքում քարտեզի վրա ցույց է տրված կինոթատրոնի դահլիճները իրենց նստատեղերով ե այն տեղերը, որոնք արդեն վաճառվել են սեւ գույնով են նշված եւ իրար վրա համընկնելու ոչ մի ռիսկ չկա: Օնլայն պատվիրելուց հետո էլեկտրոնային հասցեին գալիս է pdf ֆորմատի նամակ, որն ուղղակի տպելով կամ հեռախոսի մեջ թողնելով, այն ներկայացնում եք Մոսկվա կինոթատրոն»,- ասաց Վլադիմիր Խոյեցյանը՝ նշելով, որ արդեն 3 ամիս է, ինչ նախագիծը սկսել են եւ հիմա արդեն օրական միջինում 100 տոմս է վաճառվում:
