Փետրվարի 11-ին, ժամը 08.00-ի սահմաններում, ՀՀ ՔԿ ՀԿԳ գլխավոր վարչության, ՀՀ ոստիկանության քրեական հետախուզության գլխավոր վարչության, Տավուշի մարզային վարչության եւ Իջեւանի բաժնի ծառայողները մի քրեական գործի շրջանակներում, Կենտրոն եւ Նորք-Մարաշ վարչական շրջանների ընդհանուր իրավասության դատարանի որոշման համաձայն, Իջեւան քաղաքում կատարել են մի շարք խուզարկություններ:

- 1982 թ. ծնված Արթուր Մ.-ի տան խուզարկությամբ հայտնաբերել եւ առգրավել են «ՍԱՅԳԱ ԻԺ» տիպի ինքնաձիգ` փամփշտատուփով, լիցքավորված 5.45 մմ տրամաչափի 11 փամփուշտով եւ մեկփողանի, 12 տրամաչափի որսորդական հրացան` 7 փամփուշտով:

- 1960 թ. ծնված Հայկ Վ.-ի տան խուզարկությամբ հայտնաբերել եւ առգրավել են 12 մմ տրամաչափի 8 փամփուշտ եւ գործարանային 1 դանակ:

- 1978 թ. ծնված Մհեր Ս.-ի տան խուզարկությամբ հայտնաբերել եւ առգրավել են զինվորական սվին դանակ` պատյանով:

- 1973 թ. ծնված Գագիկ Ա.-ի տան խուզարկությամբ հայտնաբերել եւ առգրավել են 2 դանակ, որոնցից մեկը` ծալովի եւ գաղտնի փականով:

- 1967 թ. ծնված Տաթեւ Գ.-ի տան խուզարկությամբ հայտնաբերել եւ առգրավել են մեկփողանի, 12 մմ տրամաչափի որսորդական հրացան:

- 1957 թ. ծնված Կամո Ղ.-ի տան խուզարկությամբ հայտնաբերել եւ առգրավել են մեկփողանի, 12 մմ տրամաչափի որսորդական հրացան, իսկ նրան պատկանող «Աուդի Ա 6» մակնիշի ավտոմեքենայից` դանակ` պատյանով:

- 1961 թ. ծնված Սաշա Ղ.-ի տան խուզարկությամբ հայտնաբերել եւ առգրավել են «ՏՕԶ» տիպի 5.6 մմ տրամաչափի 18 փամփուշտ եւ լազերային սկավառակ:

Հայտնաբերվածներն ուղարկվել են ՀՀ ոստիկանություն՝ փորձաքննության:

Քննությունը վարում է ՀՀ ՔԿ ՀԿԳ գլխավոր վարչությունը: