նախընտրելի դարձնել
«Թրանսփարենսի ինթերնեշնլ» հասարակական կազմակերպության գործադիր տնօրեն Վարուժան Հոկտանյանը կարծում է, որ ներկայիս Հայաստանյան ներքաղաքական իրավիճակում ամենայն հավանականությամբ կբոյկոտվի ՀՀ կառավարության կողմից ստեղծված Հակակոռուպցիոն նոր խորհրդի աշխատանքները։
Այսօր՝ փետրվարի 24-ին, լրագրողների հետ զրույցում Վարուժան Հոկտանյանը նշեց, որ Հակակոռուպցիոն նոր խորհուրդը պետք է խորհրդակցական մարմին լինի, որը կներգրավվի նաեւ ոչ պետական սեկտորի անձանց։
«Իմաստը հենց այն է, որ կներգրավվեն նաեւ ընդդիմության ներկայացուցիչներ, սակայն հաշվի առնելով ներկայիս իրավիճակը՝ կարծում եմ, որ բոյկոտ կլինի»,- ասաց ՀԿ-ի գործադիր տնօրենը։
Նշենք, որ Հակակոռուպցիոն նոր խորհրդի ստեղծման մասին որոշումը կառավարությունն ընդունել է փետրվարի 19-ին։ Խորհրդի մեջ ընդգրկվելու են նաեւ վարչապետ Հովիկ Աբրահամյանը, ֆինանսների նախարար Գագիկ Խաչատրյանը։
