նախընտրելի դարձնել
Թուրքիայի նախագահ Ռեջեփ Թայիփ Էրդողանին սոցկայքերում արված գրառման միջոցով վիրավորելու համար «Միսս Թուրքիա 2006»-ի հաղթող Մերվե Բույուքսարաչի համար պահանջում են մինչեւ 2 տարվա ազատազրկում։
Թուրքական Sozcu պարբերականի փոխանցմամբ՝ տարիներ առաջ, երբ Ռեջեփ Թայիփ Էրդողանը Թուրքիայի վարչապետն էր, նախկին «Միսս Թուրքիա» Մերվե Բույուքսարաչը ինչ-որ գրառում է արել սոցկայքերում, որն էլ նրա դեմ հայց ներկայացնելու պատճառ է դարձել։
Ռեջեփ Թայիփ Էրդողանի փաստաբանները հայց են ներկայացրել նրա դեմ, իսկ դատախազը գեղեցկուհու համար դատարանից պահանջել է 1-ից 2 տարվա ազատազրկում՝ ներկայացնելով 3 էջանոց մեղադրական զեկույց։
Թուրք գեղեցկուհին պնդել է, թե ինքը նպատակ չի ունեցել վիրավորել Էրդողանին, իսկ որոշ բանաստեղծություններ ինքը իր էջում է դրել, քանի որ դրանք զվարճալի են եղել։
