նախընտրելի դարձնել
Փետրվարի 24-ից մարտի 1-ը Բրյուսելում ընթանում է «Եվրպայի դեմոկրատ ուսանողներ» կառույցի «Թվային դարաշրջան» խորագրով ձմեռային համալսարանը: ՀՀԿ երիտասարդական կազմակերպության ներկայացուցիչ Աննա Օհանյանը եւս մասնակցում է այս հավաքին:
«Եվրոպայի դեմոկրատ Ուսանողներ» կազմակերպությունը համաեվրոպական ուսանողական եւ երիտասարդական քաղաքական ասոցիացիա է եւ Եվրոպայի ժողովրդական կուսակցության պաշտոնական ուսանողական կազմակերպությունը: Այն հիմնադրվել է Վիեննայում Սկանդինավյան, գերմանական եւ ավստրիական ուսանողների կողմից 1961 թ: Այն ներկայացնում է ավելի քան 1.600.000 ուսանողների եւ երիտասարդների 42 անդամ կազմակերպություններից 35 երկրներում եւ ամենամեծ երիտասարդական կազմակերպությունն է Եվրոպայում:
Հայաստանի հանրապետական կուսակցության երիտասարդական կազմակերպությունը առաջին կառույցն է Հայաստանից, որ հնարավորություն է ստացել մասնակցել «Եվրոպայի դեմոկրատ ուսանողներ» կազմակերպության ծրագրերին:
Ձմեռային հավաքի ընթացքում երիտասարդները հանդիպումներ են ունեցել Եվրոպայի ժողովրդական կւսակցության նախագահ Ժոզեֆ Դոուլի եւ Եվրոպական խորհրդի նախկին նախագահ Հերման վան Ռոմպոյի հետ:
Նշենք նաեւ, որ Անդրբեջանի իշխող` Նոր Ադրբեջան կուսակցությունն այս անգամ ներկայացրել էր իր անդամության հարցը: Սակայն ծրագրի ընթացքում բազմաթիվ քննարկումներ եղան Անդրբեջանում մարդու իրավունքների ոտնահարման բազմաթիվ դեպքերի վերաբերյալ: Եվ Անդրբեջանի ներկայացուցիչը հանեց իր կուսակցության անդամության հարցումը:
Ծրագրի ընթացքում ընդունվեց «Մարդու իրավունքները Ադրբեջանում» խորագրով կոշտ բանաձեւը, որը դատապարտում է մարդու իրավունքների կոպիտ ոտնահարումը հարեւան Անդրբեջանում:
