նախընտրելի դարձնել
Երեկ երեկոյան Իրաքի Թել Աֆեր նահանգում «Իսլամական պետություն» խմբավորման զինյալները մահապատժի են ենթարկել Իրաքի 600 եզդի քաղաքացու:
«Սինջար» եզդիների ազգային միավորումը հայտարարություն է տարածել, որում ասվում է. «Ամիսներ շարունակ գերության մեջ գտնվողները չկարողացան փրկություն գտնել, քանի որ այսպես կոչված քաղաքակիրթ մարդկությունը տարված է քաղաքական եւ տնտեսական շահերով եւ որեւէ մեկի համար կարեւոր չի, թե Իրաքում ինչ իրավիճակում են գտնվում եզդիները:
«Սինջար» եզդիների ազգային միավորումն անմեղ եզդիների գնդակահարության մեջ տեսնում է նաեւ գերտերությունների մեղավորությունը, եզդիների սպանությունների մեջ մեղավոր են բոլոր այն պետությունները որոնք ստեղծեցին վերը նշված կազմակերպությունը եւ հիմա էլ չպայքարելով դրա դեմ՝ սպանություններ իրականացնելու մանդատ են տվել «Իլլամական պետություն» խմբավորմանը:
«Իսլամական պետությունը» լավագույնս ապացուցեց, որ միջազգային իրավունք ասվածն իրականում գոյություն չունի եւ այդ իրավունք հնարողներն իրենք են առաջին հերթին դեմ գնում դրան:
Այդ գործողությունները եւս մեկ անգամ գալիս են ապացուցելու, որ սեփական խնդիրները եզդիները կարող են լուծել միայն զենքի ուժով: Նաեւ միջազգային իրավունքից այսօր կարող ենք օգտվել բացառապես զենքի ուժով:
Եզդիների համար եզակի բարեկամական երկրներից առաջին հերթին Հայստանին խնդրում ենք հետամուտ լինել կատարվող դեպքերին եւ հնարավորությունների սահմաններում բարձրաձայնել այս խնդրի մասին:
Մեր խորին համոզմամբ այստեղ իր անելիքն ունի նաեւ ՀՀ ԱԳՆ-ն, որ ամիսներ առաջ խոստացել է աջակից լինել եզդիներին եւ բարձրաձայնել եզդիների նկատմամբ իրականացվող ցեղասպանության մասին»:
