Հայաստանի ՏԿԱԻՆ-ում, այսօր՝ մայիսի 17-ին, ժամը 02.15-ին ահազանգ է ստացվել, որ Գյումրի քաղաքի Շիրակացու փողոցում` քաղաքապետարանի նախկին վարչական շենքի մոտակայքում, տեղի է ունեցել ավտովթար. առկա է գազի արտահոսք:

Դեպքի վայր է մեկնել երկու մարտական հաշվարկ:

Դեռեւս չբացահայտված հանգամանքներում «ՎԱԶ 2106» մակնիշի 34 MZ 215 համարանիշի ավտոմեքենան (վարորդ 25-մյա Ա. Չ.) կողաշրջվել է. ինչից վարորդն արգելափակվել է ավտոմեքենայում:

Հրշեջ-փրկարարերն ավտոմեքենայից դուրս են բերել Ա.Չ.-ին, ով տեղափոխվել է Գյումրու բժշկական կենտրոն, որտեղ բժիշկները տուժածի առողջական վիճակը գնահատել են ծանր: