նախընտրելի դարձնել
Հայաստանի ոստիկանապետ Վլադիմիր Գասպարյանն այս պահին Բաղրամյան պողոտայում է:
NEWS.am-ի թղթակիցը հաղորդում է, որ ոստիկանապետը քիչ առաջ մոտեցել է ցուցարարներին եւ հորդորել ծանոթանալ Սերժ Սարգսյանի հայտարարությանը:
Նշենք, որ Սերժ Սարգսյանը հայտարարել է, որ Կառավարությունն իր վրա կվերցնի սակագնի բարձրացման ամբողջ բեռը, մինչեւ աուդիտի արդյունքների ամփոփումը:
Հիշեցնենք, որ էլեկտրաէներգիայի թանկացման որոշումը չեղյալ հայտարարելու պահանջով Բաղրամյան փողոցում սկսված նստացույցի 6–րդ օրը` հունիսի 27–ին, նախագահ Սերժ Սարգսյանն խորհրդակցություն է անցկացրել հանրապետության տնտեսական քաղաքականության պատասխանատուների հետ, որի ընթացքում հայտարարել է, որ մինչեւ ՀԷՑ–ի կողմից էլեկտրաէներգիայի թանկացման հայտի հիմնավորվածությունը ստուգող` միջազգային աուդիտի եզրակացության կազմումը կառավարությունն իր վրա կվերցնի սակագնի բարձրացման ամբողջ բեռը` վճարելով 6,9 դրամը։
Եթե աուդիտի արդյունքում հաստատվի թանկացման հիմնավորվածությունը, այդ պահից սպառողները կսկսեն վճարել նոր սակագնով, եթե այն անհիմն ճանաչվի, ապա կառավարությունը քայլեր կձեռնարկի Բաշխիչ ցանցերից ավելի վճարված գումարը հետ գանձելու և թերացած պաշտոնատար անձանց պատասխանատվության կանչելու համար: Բացասական եզրակացության դեպքում, ըստ նախագահի, հնարավոր է ՀԷՑ սեփականատիրոջ փոփոխություն` չբացառելով նաև այն պետությանը վերադարձնելու և մրցակցային կառավարման հանձնելու տարբերակը:
