նախընտրելի դարձնել
Հայաստանում օդերեւութաբանական տվյալները վճարովի են: Այդ դրույթը կառավարությունն օրերնսդրորեն հստակեցրել է այսօր՝ հուլիսի 16-ին կայացած իր նիստում:
Կառավարության համապատասխան որոշմանը կից գրավոր հիմնավորման մեջ նշվում է, որ այնպիսի ծառայությունները, ինչպիսին է քաղաքացիական ավիացիայի օդերեւութաբանական սպասարկումը, Հայաստանում իրականացնում է «Զվարթնոց ավիաօդերեւութաբանական կենտրոնը»: Հենց այդ միջոցներն էլ հանդիսանում են ձեռնարկության հիմնական ֆինանսական աղբյուրները:
Այդուհանդերձ, ծառայությունների վճարովի բնույթը բավարար հստակությամբ գրված չէ, ինչը հնարավորություն է տվել ավիաընկերություններին խուսափել վճարումներ կատարելուց:
«Նման տեղեկատվության տրամադրումը վճարովի է եւ կարգավորվում է պայմանագրային հիմունքներով»,-ասված է կառավարության որոշման մեջ:
