Պեկինի իրավապահ մարմինների աշխատակիցները կալանավորել են տասնյակ կիսամերկ «սպարտացիների» Սանլիտուն թաղամասի կարգուկանոնի խախտման համար՝ հաղորդում է  China Daily-ին:

Ըստ առկա տեղեկությունների՝ ոստիկանները մեկնել են դեպքի վայր միանգամից այն բանից հետո, երբ տեղի բնակիչները հայտարարել են ուշադրություն գրավող կիսամերկ օտարերկրացիների խմբի մասին:

Չինական սոցիալական ցանցերում արդեն լուսանկարներ են հայտնվել, որտեղ «սպարտացիները» երթով անցնում են չինական մայրաքաղաքի գլխավոր փողոցով:  Ինչպես նշում է պարբերականը՝ համացանցային օգտատերերի արձագանքը միանշանակ չի եղել՝ հաղորդում է  Gazeta-ն:

Պարզվել է, որ դա գովազդային ակցիա է եղել: Ոստիկանության ներկայացուցիչները հրամայել  են ակցիայի մասնակիցներին կանգնել: Նրանք, ովքեր հրաժարվել են համագործակցել ոստիկանության հետ, կալանավորվել են: