ՌԴ Մոսկվայի մարզի «Ալաբինո» ռազմական հրաձգարանի տարածքում օգոստոսի 1-ին մեկնարկել են 2015թ.  Միջազգային բանակային խաղերը։ Բացման արարողությանը ելույթ է ունեցել ՌԴ պաշտպանության նախարար Սերգեյ Շոյգուն։

«Խաղերը կշարունակվեն 2 շաբաթ։ Մենք ականատես կլինենք տանկիստների, օդաչուների, դեսանտայիննների, ծովային հետեւակայինների, հեծելազորայինների, հետախույզների եւ այլ ոլորտի զինծառայողների միջեւ մղվող լարված պայքարին»,- հայտարարել է նախարարը։

Խաղերը կընթանան ՌԴ տարբեր մարզերում, գրում է «Ինտերֆաքս»-ը։

Խաղերին մասնակցելու են  17 երկրներից ժամանած 57 թիմեր։ Հայաստանը կմասնակցի «Տանկային երկամարտ» մրցույթին։

Խաղերը կավարտվեն օգոստոսի 15-ին։