նախընտրելի դարձնել
Հայաստանում հարցվածների ավելի քան 60%-ը չի հավատում, թե Ռուսաստանի հետ հարաբերությունները կարող են վատանալ «Հայաստանի էլցանցերի» («Ինտեր ՌԱՕ»-ի դուստր-ձեռնարկությունը) պահվածքի պատճառով: Այդ մասին են վկայում 6 – 13-ի հուլիսին անցկացված հարցման արդյունքները, որն իրականացրել է Հայաստանում Gallup ցանցի ներկայացուցիչ «Մարկետինգի հայկական ընկերակցություն» ՀԿ-ն: Հարցմանը Երևանում և շրջաններում մասնակցել է 1 106 մարդ:
Ինչպես օգոստոսի 21-ին լրագրողներին հայտնել է կազմակերպության ղեկավար Արամ Նավասարդյանը, 31 և 6%-ը կարծում է, որ «Էլցանցերի» հետ կապված բարդությունները «ավելի շուտ վատ» եւ «շատ վատ» կազդեն, 9%-ը կարծում է, որ ոչ մի կերպ չեն ազդի, իսկ 34%-ը դժվարացել է պատասխանել: 19% -ը հայտարարել է, որ «ավելի շուտ դրական» կազդեն, իսկ 1% -ը` «շատ դրական»:
Այն հարցին, թե ինչպես է հնարավոր բարելավել «Ցանցերի» աշխատանքը, 70%-ը պատասխանել է` ազգայնացմամբ: 12%-ը կարծում է, որ «Էլցանցերը» պիտի փոխանցվեն այլ ընկերության, իսկ 11%-ը` որ պետք է դրանք թողնել «Ինտեր ՌԱՕ»-ի իրավասության տակ, բայց պահանջել, որ արդյունավետ ղեկավարներ նշանակեն:
Հիշեցնենք, որ չնայած բողոքի բազմահազարանոց ցույցերին, ՀԾԿՀ-ը հունիսի 17-ին հաստատել էր էլեկտրականության սակագնի 6,93 դրամով բարձրացումը` գինը հասցնելով մինչեւ մեկ կիլովատտ/ժամի համար 48,78 դրամի (մոտ 10,3 ամերիկյան ցենտի):
Հունիսի 27-ին` ցույցերի 6-րդ օրը, Սերժ Սարգսյանը խորհրդակցություն է անցկացրել պետական պաշտոնյաների հետ, որոնք պատասխանատու են տնտեսական քաղաքականության համար: Խորհրդակցության ընթացքում նա հայտարարել է, որ մինչեւ միջազգային աուդիտի ավարտը, որը կստուգի սակագնի բարձրացման պահանջի արդարացիությունը, Կառավարությունն իր վրա կվերցնի հավելյալ 6,93 դրամի բեռը:
Ֆինանսավորումը կշարունակվի մինչեւ С Deloitte & Touche CIS խորհրդատվական ընկերության կողմից վերլուծության ավարտը. այդ ընկերությունն ընտրվել է միջազգային տենդերի արդյունքում եւ պատրաստվում է իր աշխատանքն ավարտել 16 շաբաթվա ընթացքում:
Եթե խորհրդատվության արդյունքում թանկացումն արդարացված համարվի, սպառողները կսկսեն վաճառել նոր սակագնով: Հակառակ դեպքում պետությունը միջոցներ կձեռնարկի, որպեսզի «Հայաստանի էլեկտրական ցանցերից» հետ վերցնի հավելյալ գումարը եւ պատասխանատվության կանչի թանկացման համար մեղավոր բոլոր պաշտոնատար անձանց:
