ԱՄՆ-ում տեղի է ունեցել օտարերկրյա դիվանագիտական առաքելությունների ղեկավարների հավատարմագրերի հանձնման արարողությունը, որին ներկա է եղել նաեւ Կուբայի ներկայացուցիչը։ ԱՄՆ-ում Կուբայի դիվանագիտական ներկայացուցիչն է դարձել Խոսե Ռամոն Կաբանյաս Ռոդրիգեսը, գրում է  BBC-ի Ռուսական ծառայությունը։

Նախօրեին Reuters գործակալությունը հայտնել էր, որ ԱՄՆ-ը մտադիր է թուլացնել Կուբայի հետ առեւտրային համագործակցության ոլորտ սահմանափակումները։

Մասնավորապես մոտ ապագայում հնարավոր է, որ ամերիկյան ընկերությունները Կուբայում բացեն իրենց դուստր ձեռնարկությունները։

Նշենք, որ 2015թ. հուլիսին ԱՄՆ-ն եւ Կուբան ավելի քան կեսդարյա ընդմիջումից հետո հայտարարեցին հարաբերությունները ներականգնելու մասին։