նախընտրելի դարձնել
Հովիկ Աբրահամյանը կարող է Սահմանադրության օգտին քարոզչություն իրականացնել վարչապետի իր պարտականություններից դուրս։ Այդ մասին խորհրդարանում նոյեմբերի 3-ին լրագրողներին հայտնել է Կառավարության աշխատակազմի ղեկավար, նախարար Դավիթ Հարությունյանը՝ մեկնաբանելով դեկտեմբերի սահմանադրական հանրաքվեի նախապատրաստական աշխատանքները։ Աբրահամյանը կարող է նման աշխատանք կատարել վարչապետի իր պարտականություններից դուրս, հավելել է Հարությունյանը։
«Եթե դուք լսեք․ «Ես, որպես վարչապետ, ձեզ կոչ եմ անում գնալ եւ «այո» ասել Սահմանադրության փոփոխություններին, դա վարչական ռեսուրսի օգտագործում կլինի։ Այդ դեպքում կարող եք բացահայտորեն հայտնել դրա մասին։ Մանավանդ որ անցել են այն ժամանակները, երբ մարդիկ վախենում էին կարծիք հայտնել, նման խախտումներ տեսնելիս, նրանք կարտահայտվեն», - հավելել է Հարությունյանը։
Իսկ եթե այդպես չէ, եթե Աբրահամյանը քարոզչություն է իրականացնում ոչ թե որպես վարչապետ, այլ քաղաքական գործիչ, ուրեմն չկա այնպիսի երկիր, որտեղ դա խախտում համարվեր։ Ընդհակառակը, դժվար է պատկերացնել, որ քաղաքական գործիչներին արգելեն քաղաքականությամբ զբաղվել։ Այդ դեպքում ո՞ւմ պիտի թույլ տան», - հավելել է Հարությունյանը։
