նախընտրելի դարձնել
2015-ին Սեւանա լճից լրացուցիչ ջուր չի վերցվել։ Այդ մասին նոյեմբերի 4-ին ասել է հանրապետության Գյուղատնտեսության նախարարության Ջրային պետական կոմիտեի պետ Արամ Հարությունյանը՝ խորհրդարանում 2016-ի պետբյուջեի վերաբերյալ լսումների ընթացքում։
«Եթե անցյալ տարի մենք մոտ 270 խորանարդ մետր ջուր էինք վերցրել, ապա այս տարի պլանային ծավալը չի գերազանցել 170 մլն-ը», - ասել է Հարությունյանը։
Դա մեծ մասամբ տեղի է ունեցել այն բանի շնորհիվ, որ 2015-ի մայիսին շահագործման է հանձնվել Մարմարիկի ջրամբարը՝ 24 մլն խորանարդ մետր ծավալով։ Արարատյան, Ազատի եւ Ապարանի դաշտավայրերը սպասարկող ջրամբարներում բավարար ծավալով ջուր է ամբարվել, նույնը վերաբերում է նաեւ Ախուրյանի ջրամբարին, որը սպասարկում է Շիրակի մարզը եւ Արմավիրի մարզի մի մասը։
«Արդյունքում մենք կարողացանք բավարարել նույնիսկ ցանքսերի լրացուցիչ հայտերը», - հավելել է Հարությունյանը։
