Շիրակի մարզի Ղարիբջանյան  գյուղում դպրոցականների վիճաբանությունն ավարտվել է դանակահարությամբ: NEWS.am-ին հայտնի է դարձել, որ գյուղի դպրոցի մոտակայքում 12-րդ դասարանի աշակերտները վիճել են, որի ժամանակ նրանցից մեկը  դանակահարել է մասնակիցներից մեկին:  Տուժողը որովայնի շրջանում վնասվածքով տեղափոխվել է հիվանդանոց:

Սկզբում նա փորձել է թաքցնել, որ վնասվածքն ստացել է դպրոցում տեղի ունեցած վեճի ժամանակ, սակայն հետաքննության ընթացքում պարզվել է իրականությունը: 

Դեպքը տեղի է ունեցել  դասերից հետո, նոյեմբերի 12-ի երեկոյան: Դանակահարողը եւս 12-րդ դասարանի աշակերտ է եղել: Նշանակվել է դատաբժշկական փորձաքննություն:

Ոստիկանությունից միջադեպի վերաբերյալ մեզ հետ զրույցում մանրամասներ չեն հայտնել, միայն հաստատել են տեղի ունեցածն ու հավելել, որ դանակահարող աշակերտը  հանձնվել է ծնողներին, դանակն առգրավվել է: