Մեծ Բրիտանիան 15 տոկոսով ավելացնում է իր հետախուզական անձնակազմը Սիրիայի իսլամիստ գրոհայիններից պաշտպանվելու համար, տեղեկացնում է Gazeta-ն` վկայակոչելով Reuters-ին:

Ինչպես հայտնել է վարչապետ Դեվիդ Քեմերոնը, նման որոշում է կայացվել Ֆրանսիայում եւ Թունիսում ահաբեկչական գործողությունների աճող սպառնալիքի հետ կապված: 

«Մեր հատուկ ծառայությունները վերջին կես տարվա ընթացքում մոտ յոթ ահաբեկչական գործողություն են կանխարգելել, դա մեզ ստիպում է ընդլայնել անվտանգության եւ հետախուզության աշխատակիցների թիվը»,- պարզաբանել է նա:

Կառավարությունը տեղեկացրել է, որ ֆինանսավորվել է MI5-ի եւ MI6-ի համար լրացուցիչ  1,9 հազար նոր աշխատակցի ընդունումը:  Եգիպտոսում ռուսական օդանավի ջախջախումից հետո իշխանությունները նաեւ ավիացիոն անվտանգության ոլորտում են աստիճանական փոփոխություններ նախատեսել: