նախընտրելի դարձնելԿալիֆորնիայում հովերբորդների` ավարտված տարվա «ամենաթեժ» խաղային տեխնոլոգիայի օգտագործման անվտանգության կանոնների լրացուցիչ միջոցներ են մտցվել:
Նոր օրենքը, որն ուժի մեջ է մտել 2016-ի հունվարի 1-ից, մինչեւ 16 տարեկան անձանց արգելում է հովերբորդն օգտագործել ընդհանուր օգտագործման ավտոճանապարհներին երթեւեկելու համար: Հովերբորդների տերերին խորհուրդ է տրվում տեղափոխվել սահմանափակ` ժամում 35 մղոն (56 կմ/ժ) կամ ավելի փոքր արագությամբ: Կալիֆորնիական ճանապարհային պարեկությունը առաջիկա հինգ տարվա ընթացքում խստորեն կհետեւի տվյալ օրենքի կատարմանը` խախտողներին տուգանելով 250 դոլարի չափով:
Իշխանությունների խորը մտահոգությունն է առաջացնում հովերբորդ օգտագործողների շարժման անվտանգությունը: «Նրանք պիտի ոչ միայն ոտքի տակ նայեն, այլեւ մոտերքով շարժվող ավտոմեքենաներին, NBC News հեռուստաալիքին տված հարցազրույցում հայտնել է Կալիֆորնիայի նահանգի ճանապարհային երթեւեկության անվտանգության վարչության ներկայացուցիչ Քրիս Քոքրանը (Chris Cochran): Նրանք պիտի հետեւեն նաեւ, որ չբախվեն հետիոտներին»:
Քոքրանը զգուշացրել է, որ տեղական կանոններում կարող են անվտանգության լրացուցիչ սահմանափակումներ մտցվել: Օրինակ` Սան Ֆրանցիսկոյում արգելված է մայթերին հովերբորդներով տեղաշարժվել:
