նախընտրելի դարձնել«Գազպրոմ Արմենիան» կմեծացնի Աբովյանի ստորգետնյա գազապահեստարանի տարողունակությունը: Այդ մասին ասված է 2016 – 18 թթ. ներդրումային ծրագրում, որը հունվարի 27-ին հավանության է արժանացել Հայաստանի Հանրային ծառայությունները կարգավորող հանձնաժողովի նիստին:
Մասնավորապես, 2016-ին նախատեսված է սկսել նոր հորի կառուցումը, որը պահեստարանի տարողունակությունը 150-ից կհասցնի 173 մլն խորանարդ մետրի: Բացի այդ, նախատեսված է նոր պոմպակայանի համար նախահաշիվ կազմել: Ընդհանուր առմամբ 2016-ին Աբովյանի ՍԳՊ-ում կներդրվի 1 մլրդ 160 մլն դրամ (մոտավորապես 2 մլն 390 հազար դոլար):
Ինչպես լրագրողներին հայտնել է «Գազպրոմ Արմենիայի» փոխտնօրեն, գլխավոր ինժեներ Հրանտ Թադեւոսյանը, 2017-ին նախատեսված է սկսել 20 մլն խորանարդ մետրանոց եւս մեկ հորի շինարարությունը, որը հզորությունը կհասցնի մինչեւ 190 մլն-ից ավելի խորանարդ մետրի:
