նախընտրելի դարձնել«Սևան» քրեակատարողական հիմնարկում 2015թ. դեկտեմբերի 25-ին դատապարտյալ Աշոտ Բեգոյանի մահվան փաստի առթիվ քրեական գործ է հարուցվել: Այս մասին NEWS.am-ին հայտնեցին ՀՀ Քննչական կոմիտեի մամուլի ծառայությունից:
21-ամյա Բեգոյանի մահվան առթիվ քրեական գործը հարուցվել է ՀՀ ՔՕ 110-րդ հոդվածի 1-ին մասի հատկանիշներով, այն է՝ սպառնալիքի, դաժան վերաբերմունքի կամ անձնական արժանապատվությունը պարբերաբար նվաստացնելու ճանապարհով անձին անուղղակի դիտավորությամբ կամ անզգուշությամբ ինքնասպանության կամ ինքնասպանության փորձի հասցնելը, որը պատժվում է ազատազրկմամբ՝ առավելագույնը երեք տարի ժամկետով:
Գործով կասկածյալ դեռեւս չկա, նշանակվել է դիակի դատաբժշկական փորձաքննություն: Նախաքննությունը շարունակվում է:
Նշենք, որ 21-ամյա դատապարտյալի դին հայտնաբերել էին կախված վիճակում:
