նախընտրելի դարձնել
Հայաստանի ՏԿԱԻՆ-ում, այսօր՝ փետրվարի 16-ին, ժամը 00.33-ին ահազանգ է ստացվել, որ Արծվաքար-Նորատուս ավտոճանապարհին տեղի է ունեցել ավտովթար. անհրաժեշտ է փրկարարների օգնությունը:
Դեպքի վայր է մեկնել Գավառ քաղաքի ՀՓՋ-ի օպերատիվ խումբը և մեկ մարտական հաշվարկ:
Պարզվել է, որ Արծվաքար-Նորատուս ավտոճանապարհի 1-ին կմ-ին դեռևս չբացահայտված հանգամանքներում «ՎԱԶ-2107» մակնիշի 34 ZP 813 համարանիշի ավտոմեքենան դուրս է եկել ճանապարհի երթևեկելի հատվածից և մոտ 40 մ սահել դեպի հարակից Գավառագետ գետը. տուժածներ չկան:
Փրկարարները հոսանքազրկել են ավտոմեքենան, փակել են գազի բալոնի փականը, ավտոմեքենան դուրս են բերել ճանապարհի երթևեկելի հատված և մոտեցրել քարշակ մեքենային:
