նախընտրելի դարձնել
Արցախի ժողովրդի ինքնորոշման իրավունքի իրացումն այլընտրանք չունի:Ա յս մասին, այսօր փետրվարի 16-ին, ԵՊՀ միջազգային հարաբերությունների ֆակուլտետի եւ Եվրոպական տարածաշրջանային ակադեմիայի մի խումբ ուսանողների հետ հետնդիպման ժամանակ նշել է ՀՀ ԱԺ փոխնախագահ Էդուարդ Շարմազանովը:
ԱԺ փոխնախագահի առաջարկով հանդիպումն ընթացել է հարցուպատասխանի ձեւաչափով. մոտ երկու ժամ տեւած հանդիպման ընթացքում Էդուարդ Շարմազանովը պատասխանել է ուսանողներին հետաքրքրող հարցերին, որոնք վերաբերել են տարածաշրջանային առանցքային խնդիրներին, հայ-թուրքական, ռուս-թուրքական հարաբերություններին եւ դրա ազդեցությանը Հայաստանի վրա, ղարաբաղյան հակամարտության կարգավորման հարցին, սահմանադրական բարեփոխումներին եւ դրա ազդեցությանը ՀՀ արտաքին քաղաքականության վրա եւ այլն:
Անդրադառնալով ղարաբաղյան հակամարտության կարգավորման հարցին՝ ԱԺ փոխնախագահն ընդգծել է, որ Արցախի ժողովրդի ինքնորոշման իրավունքի իրացումն այլընտրանք չունի եւ Լեռնային Ղարաբաղը չի կարող երբեւէ ունենալ ավելի ցածր կարգավիճակ, քան ունի այսօր:
ԱԺ փոխնախագահը, կարեւորելով երիտասարդ սերնդի հետ նման հանդիպումները՝ ուսանողներին հորդորել է լինել նպատակասլաց եւ երբեք չհուսահատվել դժվարություններից, զբաղվել գիտելիքների անընդմեջ կատարելագործմամբ: Այս համատեքստում Էդուարդ Շարմազանովը կարեւորել է քրիստոնեական արժեքային համակարգի պահպանությունն ու դրա անաղարտ փոխանցումը սերունդներին:
