նախընտրելի դարձնել
Հայաստանում Հարավային ռազմական օկրուգի ռազմական բազայում Բաց դռների օր է անցկացվել: Միջոցառումներն անցկացվել են Գյումրիում` «Մեծ Ամրոց» ռազմական քաղաքի բազայում:
Հյուրերին հնարավորություն է ընձեռվել ծանոթնալ զինվորականների ծառայությանը, զորամասի ուսումնանյութական բազային, լինել «Ռազմական փառքի» եւ «Պատվո Բլրի» հուշահամալիրներում, այցելել զորամասի թանգարան եւ տեսնել սպառազինության, ռազմական տեխնիկայի եւ հանդերձավորման ժամանակակից նմուշներ:
Միավորման հրապարակում ժամանակակից սպառազինության եւ ռազմական տեխնիկայի նմուշների ցուցահանդես է անցկացվել, ներկայացվել են նաեւ «Վագր» զրահամեքենաներ, ռադիոէլեկտրոնային պայքարի «Ինֆաունա» համալիր, հետախուզական քիմիական ՌՔՄ-6 մեքենա, համազարկային կրակի «Գրադ» ռեակտիվ համակարգ եւ այլն: Զինծառայողները հյուրերին ցուցադրել են հրաձգային զենքի նմուշներ, «Պերմյաչկա» եւ «Ռատնիկ» ժամանակակից հանդերձավորման լրակազմեր:
