նախընտրելի դարձնել
Հայաստանի ԿԳ նախարար Արմեն Աշոտյանը հրամաններ է ստորագրել մի շարք բուհերի նկատմամբ կարգապահական տույժեր կիրառելու վերաբերյալ: Հրամանների համար հիմք են հանդիսացել ՀՀ կրթության եւ գիտության նախարարության լիցենզավորման գործակալության կատարած ուսումնասիրությունները եւ ներկայացրած եզրակացությունները:
Համաձայն ԿԳ նախարար Ա. Աշոտյանի հրամանի՝ նախազգուշացում է հայտարարվել հետեւյալ բուհերին.
Հայբուսակ համալսարանին՝ բակալավրի եւ մագիստրոսի կրթական ծրագրերով «Ստոմատոլոգիա», «Բուժական գործ», «Դեղագիտություն» մասնագիտությունների գծով գործունեություն իրականացնելու ընթացքում լիցենզիայի պարտադիր պայմանների եւ պահանջների խախտումների համար /սովորողների ընդունելության, փոխադրման, տեղափոխման կարգերի, կլինիկական պրակտիկայի պայմանագրերում ուսանողների թվի առկայության եւ օտարերկրյա քաղաքացիների ուսուցման կազմակերպման պահանջների մասերով/:
Հայկական բժշկական ինստիտուտին՝ բակալավրի եւ մագիստրոսի կրթական ծրագրերով գործունեություն իրականացնելու ընթացքում լիցենզիայի պարտադիր պահանջների եւ պայմանների խախտման համար / կլինիկական պրակտիկայի պայմանագրերում առկա, ինչպես նաեւ ուսումնամեթոդական ապահովվածության պահանջների խախտումների մասերով/:
Ավանդական բժշկության համալսարանին՝ բակալավրի եւ մագիստրոսի կրթական ծրագրերով գործունեություն իրականացնելու ընթացքում լիցենզիայի պարտադիր պահանջների եւ պայմանների խախտման համար /կլինիկական պրակտիկայի պայմանագրերում ուսանողների թվի բացակայության մասով/:
Մխիթար Գոշ հայ-ռուսական միջազգային համալսարանին՝ բակալավրի եւ մագիստրոսի կրթական ծրագրերով «Ստոմատոլոգիա», «Բուժական գործ» մասնագիտությունների գծով գործունեության լիցենզիայի պարտադիր պահանջների եւ պայմանների խախտման համար /կլինիկական պրակտիկայի պայմանագրերում ուսանողների թվի բացակայության մասով/:
Սուրբ Թերեզայի անվան համալսարանին՝ բակալավրի եւ մագիստրոսի կրթական ծրագրերով «Ստոմատոլոգիա» մասնագիտության գծով գործունեություն իրականացնելու ընթացքում լիցենզիայի պարտադիր պահանջների եւ պայմանների խախտման համար /կլինիկական պրակտիկայի պայմանագրերում ուսանողների թվի բացակայության մասով/:
Երեւանի մենեջմենթի համալսարանին (Գյումրու մասնաճյուղ) բակալավրի եւ մագիստրոսի կրթական ծրագրերով` «Ստոմատոլոգիա» մասնագիտության գծով, գործունեություն իրականացնելու ընթացքում լիցենզիայի պարտադիր պահանջների եւ պայմանների խախտման համար/ զբաղեցրած ուսումնական տարածքի` մարզադահլիճի նկատմամբ իրավունքի պետական գրանցման վկայականի պահանջի մասով/:
Վերոնշյալ ուսումնական հաստատություններին արձանագրված խախտումների վերացման եւ ՀՀ կրթության եւ գիտության նախարարություն հիմնավորող փաստաթղթերի ներկայացման համար հրամաններում սահմանվել են համապատասխան ժամկետներ:
