Թուրքիայի քրդաբնակ Դիարբեքիրում ժանդարմերիան ռումբով բեռնված մեքենա է հայտնաբերել ու կալանել։

Թուրքական Sozcu-ի փոխանցմամբ՝  քրդաբնակ Դիարբեքիրի Լիջեի շրջանում ժանդարմերիայի զինծառայողները կանգնեցրել են կասկածելի մի մեքենա ու խուզարկել այն։

Մանրակրկիտ խուզարկման արդյունքում ավտոմեքենայում հայտնաբերվել է 500 կգ ռումբ։

Նշվում է, որ հիշյալ ռումբն օգտագործվելու էր թուրք զինվորականների դեմ գործողության համար։